Шәкірттерге арналған айт мерекесі

Науан хазірет мешітінің әйел-қыздар секторының ұйымдастыруымен ойын-сауық орталығында 6-12 жас аралығындағы мешіт шәкірттеріне айт мерекесі өткізілді. Бұл шараға жетпіске тарта бала қатысты. Балаларға түрлі тапсырмалар беріліп, арнайы аниматорлармен бірге уақыт өткізіп, қызықты ойындар ойнады. Шара барысында мешіт тарапынан балаларға арнап тәттілер мен арнайы сыйлықтар үлестірілді. Дәмді тағамдар мен тәттілер мерекенің сәнін кіргізіп, балаларға ұмытылмас әсер сыйлады.
Ораза айттың басты құндылықтары – мейірімділік, қайырымдылық және бауырмалдық ұғымдарын кеңінен насихаттау. Балалардың қуанышты жүздері мен ризашылыққа толы жүректері шараның басты арқауына айналды.