Апат айтып келмейді

Түркістан облысындағы қайғылы оқиға елді дүр сілкіндірді. Он екі адам өрт оқиғасының құрбаны болды. Апат айтып келмейді. “Сақтансаң сақтармын…” деген даналық бар. Науан хазірет мешітінде өрт оқиғасының алдын алуға арналған жаттығу шарасы өтті. Жергілікті өрт сөндіру қызметі арнайы көліктерімен келіп, мешіттің сыртқы және ішкі өрт сөндіруге арналған құрылғыларын іске қосып көрді. Себебі, мешіт халықтың көп жиналатын жері. Мұнда өрт қауіпсіздігі ережелері қатаң сақталуы тиіс. Өрт сөндіру қызметі осыған жан-жақты назар аударды. Мешіттің осыған жауапты қызметкерлеріне кеңес беріп, іс-қимыл жасау ережелерін түсіндірді.