Ақмола облысының дін қызметкерлері кезекті атестаттаудан өтті

Ақмола облысына қарасты Целиноград, Біржан сал, Ақкөл, Қорғалжын, Ерейментау, Есіл, Қосшы, Аршалы, Шортанды аудандары мен ауыл мешіттерінің имамдары мен дін қызметкерлері кезекті атестаттаудан өтті.

Атестаттау Қазақстан мұсылмандары діни басқармасының Республикалық Бас мешіті ғимаратында ұйымдастырылды. Аталған атестаттауға жалпы саны 75 имам тіркеліп, олардың ішінен 5 имам-ұстаз түрлі себептерге байланысты қатыса алмады. Ал 6 имам-ұстаз атестаттау талаптарына сәйкес қайта тапсыруға жіберілді.

Атестаттау барысында дін қызметкерлерінің діни білім деңгейі, Құран оқу машығы, фиқһ және ақида бойынша сауаттылығы, сондай-ақ уағыз-насихат жүргізу қабілеттері жан-жақты бағаланды.