Бурабайдағы спорт сайысы

Тәуелсіздік мерекесі қарсаңында Бурабай аудандық мешітінің ұйымдастырумен  спорттың волейбол және баскетбол түрлерінен жарыс болып өтті. Волейбол жарысына  қатысқан командалар өзара тартысты ойын көрсетті. Соңғы кезеңге дейін кімнің жеңімпаз аталатыны белгісіз болды.

Өздерінің шебер ойын өрнектерімен көзге түскен  «ВПК» командасы бас жүлдені иеленсе,  «IQanat1» және «IQanat2» командалары қалған екі жүлделі орынды өзара бөлісті.

Ал, баскетбол жарысында да осындай тартысты сайыстар өтті. Жеңіске жетуге талпынған спортшылар барын салып бақты. Сөйтіп,  №7 лицейдің баскетболшылары жеңіс тұғырынан көрінді. Бұл жолы «ІQanat HSB» және техникалық колледж спортшылары жүлделілер қатарынан көрінді.

Спорт – салауатты өмір салтының бір арнасы. Бір жағынан ынтымақ пен бірлікке де талпындырады. Бір сайыс алаңында өзара бақ сынасса да, жеңіске жеткендері де, жеңілгендері де бір-бірінің қолын алып, тарқасты.