Ақмола имамдары бас қосты

Ақмола облысының бас имамы Қуаныш қажы Сәбиттің төрағалығымен аудан және қала имамдарының басқосу жиналысы өтті. Онда Рамазан айында атқарылған жұмыстар сараланды. Қайырымдылық бойынша  көрсетілген көмек жайлы да айтылды. Рухани бағыттағы шаралар ортаға салынды. Алда атқарылатын жұмыс жоспары бекітіліп, пысықталды.

Осы басқосуға жаңадан тағайындалған Ақмола облыстық дін істері басқармасының басшысы Болат Қасенов өңірдегі діни жағдай туралы айтты.  Имани сананы қалыптастыру мәселесі, жат ағымға жол бермеу керектігін тілге тиек етті.

Мешіттің наиб имамы Ұлан Шәріпов өңірлерден келген имамдарға пәтуә талаптары жөнінде дәріс берді. Діни қызметкердің міндеттері, шариғи талап-тілектер әңгіме өзегіне айналды.