«Әдемі әуезді азаншы» VI республикалық азаншылар жарысы

Қарағанды облысы, «Әнет баба» мешітінде Қазақстан мұсылмандары діни басқармасының 35 жылдығына орай ұйымдастырылған «Әдемі әуезді азаншы» VI республикалық азаншылар жарысы өтті. 

Еліміздің әр облысы мен ірі қалаларынан 20 азаншы бақ сынайтын бәсекеге ҚМДБ Төрағасы, Бас муфти Наурызбай қажы Тағанұлы сондай-ақ, зиялы қауым өкілдері мен аудан-қала имамдары қатысып, жамағат көрермен болды . Сайысқа өңіріміздің атынан Ақмола облыстық «Науан Хазірет» мешітінің ұстазы Акаев Арлан қатысты.    Сайысты  ҚМДБ Құран секторының меңгерушісі Серік Ахмет, «Қауам ад-дин әл-Итқани әл-Фараби әт-Түркістани» республикалық қарилар дайындау орталығының директоры Садуақас Олжабаев, Алматы қаласының бас имамы Төлеби Оспан, Алматы қаласы Медеу ауданының бас имамы, Құран ұстазы Данияр Жұмабаев, Қазақстанның еңбек сіңірген қайраткері, «Құрмет» орденінің иегері Мұсайын Сержан Таранұлы төрағалық етті.