Целиноград ауданында имамдардың біліктілігін арттыруға арналған екі күндік семинар өтті

2025 жылғы 5–6 тамыз күндері Целиноград ауданында имамдардың діни білімін жетілдіру және кәсіби біліктілігін арттыру мақсатында екі күндік семинар ұйымдастырылды.

Семинар жұмысына ҚМДБ Төрағысның орынбасары, Наиб мүфти Кенжетай Байкемелұлы Дүйсенбай және Ақмола облысының Бас имамы  Қуаныш Жұмабайұлы  арнайы қатысты. Семинарда  қатысушыларға Құранды дұрыс оқу әдістері мен намаз жүргізу тәртібі бойынша терең әрі тәжірибеге негізделген дәрістер өткізді.

Шара барысында имамдар араб тілі, тәжуид ережелері және намаз амалдарына қатысты білімдерін пысықтап, діни қызмет барысында жиі кездесетін мәселелер бойынша пікір алмасты. Сонымен қатар, мешіт қызметін ұйымдастыру, жамағатпен қарым-қатынас жасау, уағыз айту әдебі сияқты тақырыптар да қамтылды.

Семинар соңында қатысушыларға арнайы сертификаттар табысталды.

Бұл игі шара Целиноград ауданындағы имамдардың білімін тереңдетіп, мешіт жұмысын сапалы жүргізуге серпін берді.