Бурабайда Құранды жатқа оқу сайысы өтті

Бүгін қазақтың киелі өңірі, кешегі үш жүздің басын қосқан ұлы Абылай мен азаттық үшін арпалысып өткен Кенесары хандардың ақ ордасында ерекше ыждаһатты шара, тағылымды басқосу — қасиетті Құранды жатқа оқушылар байқауы өтті. Шараны Ақмола облысының бас имамы Қуаныш қажы Жұмабайұлы өзінің құттықтау сөзімен ашты. Барша қауымды осы ізгі шарамен шын жүректен құттықтай келе, Ұлы бабалар аманатына қылау түсірмей, бізге парыз бен қарыз еткен, имандылықты ту еткен өздеріңізге шынайы ыстық ықыласымды жеткізгім келеді деді ол.
Бұл XIV республикалық Құранды жатқа және мәнерлеп оқу сайысының облыстық іріктеу кезеңі Қазақстан мұсылмандары діни басқармасының ұйытқы болуымен өткізіліп отыр.

Сайысқа қатысушылар өнерлерін ҚМДБ Құран секторының меңгерушісі Серік Ахмет, Хусамаддин ас-Сығанақи институтында ижаза беру бөлімінің меңгерушісі Теміржан Мұратов, Жібек жолы Құран жаттау орталығының директоры Дастан Баусариев саралап, әділ қазылық етті.
Жарысқа облыс бойынша барлығы 35 сайыскер қатысты.
Жүзден жүйрік шыққандар арнайы марапаттарға ие болды.

30 пара бойынша:

1 орын Ығалман Мұхаммед
2 орын Абдулазиз Абдулбақ
3 орын Айтмахан Диас

20 пара бойынша:

1 орын Молдин Ахат
2 орын Жолдас Айдос
3 орын Рамазан Дархан

10 пара бойынша:

1 орын Дадажанов Росул
2 орын Бахыт Қасым
3 орын Шакиров Омар

Барлық қатысушылар Алғыс хаттармен және ынталандыру сыйлықтарымен марапатталды.

Жеңімпаз қарилар Талдықорған қаласында өтетін XIV республикалық Құран жарысына жолдама алды.