«Жақсы келін – ырысым» атты келіндер сайысы өтті

Ақмола облысы, Көкшетау қаласы, «әйел-қыздар» секторының ұйымдастыруымен — «Жақсы келін – ырысым» атты келіндер сайысы өтті. Сайысқа Ақмола облысына қарасты (Аршалы ауданы, Қосшы қаласы, Атбасар ауданы, Бурабай ауданы, Қараөткел ауданы) мешіт шәкірттері қатысты.

Сайыс 4 кезеңнен тұрды:
1-кезең – «Мен кіммін?»(таныстыру),
2-кезең – «Біл де биік бол»(дін мен дәстүрге қатысты сұрақтарға жауап),
3-кезең – «Өнерлі өрге жүзер» (өз өнерін көрсету),
4-кезең – «Ізденген жетер мұратқа» (ұмыт болған ұлттық тағам әзірлеу).

Сайыстың әділ қазылар алқасы:
• Әйел-қыздар секторының меңгерушісі – Динара Құтқожақызы,
• Ақмола облысы әйел-қыздар секторының жетекшісі – Гүлнара Жұмабайқызы,
• Аналар кеңесінің төрайымы орынбасары – Нұрсәуле Мұратқызы,
• Білім саласының озат қызметкері, зейнеткер ұстаз – Орондог Майра.

Әділ-қазылардың шешімі бойынша жүлдегерлер төмендегідей анықталды:
1-орын – Есеналиева Алтынай Мұсақызы (Жақия қажы мешіті),
2-орын – Зейнолла Мөлдір (Бөгенбай батыр мешіті),
3-орын – Жиенбаева Жазира Ғалымжанқызы (Оңдыбай ата мешіті).

Қатысушылар ұлттық құндылықтарды дәріптеп, келіндік шеберліктерін көрсетіп, көрерменге рухани мәні терең тағылымды кеш сыйлады.