Студенттермен Ораза айы туралы кеш өтті

Ақмола облысының әйел қыздар секторының ұйымдастыруымен «Айлардың сұлтаны Рамазан» атты кеш өтті.
Рухани кеш «Жақия қажы» мешітінің шәкіртінің Құран оқуымен ашылды. Ақан сері колледжінің ұстазы Маржан Арыстанбекқызыныңшәкірттері кеште тағылымды көрініс қойды. Рамазан айының құрметіне шығарылған арнау айтылып, жырлар оқылды.
Кештің арнайы қонағы Астана қаласының Бас мешітінің ұстазы Қарлығаш Талқанбаева Рамазан айының қадір-қасиеті жайлы уағыз айтып, ғибратты әңгімемен ұштастырды. Әрі қарай, Құранға түскен жиырма шәкіртті марапаттау сәті ерекше толқынысқа ие болды.
Дін жанашырлары мен мешіт тазалықшыларына Бас имамның атынан алғыс хат пен сыйлықтар берілді.
Көкшетау музыка колледжінің «Жетіген» ансамбілінің жетекшісі Жұлдыз Мұқышева өз шәкірттерімен қазақтың ұлттық аспабымен өз туындыларын тарту етті.
«Кім жылдам» деген тақырыпта Рамазан фиқһы, Құран аяттарын табу бойынша ойындарды Жақия қажы ұстазы Гүлнара Өмірбек ұстаз өте шеберлікпен жүргізді. Рамазан айы — Құран түскен ай, бұл айдың артықшылығы жайында Ақмола облысының әйел қыздар секторының жетекшісі Әйгерім Мұрат уағызбен жалғады.Кешіміздің соңын қария шәкіртіміз 90 жасар Кәбира әжеміз жүректен шыққан батасын берді.