РАНТ мүшесі Ақмола облысына келді
Қазақстан мұсылмандары діни басқармасының Уағыз-насихат бөлімі бекіткен республикалық ақпараттық-насихат тобы (РАНТ) жоспарына сәйкес, Шымкент қаласы, Әл-Фараби аудандық «Ордабасы» мешітінің бас имамы, РАНТ мүшесі Ералы Сапарбайұлы Есенгелдиев 2025 жылдың 6-7 қараша күндері Ақмола облысына іссапармен барып қайтты.
Сапар аясында имам өңір тұрғындарымен, мемлекеттік мекеме қызметкерлерімен және мешіт жамағатымен кездесіп, рухани-ағартушылық және түсіндіру бағытындағы бірқатар іс-шаралар өткізді.
6 қараша 2025 жыл
- 10:00 – Аршалы ауданындағы түзету мекемесінде «Жат ағымның зардабы және ынтымақтылықтың маңызы» тақырыбында кездесу өткізіліп, тәрбиелік мәні зор уағыз-насихат айтылды.
- 19:00 – Целиноград ауданы, Қараөткел ауылындағы «Қажы Рафия ана» мешітінде «Ауызбіршілік пен бауырмалдық – имандылықтың негізі» тақырыбында кешкі уағыз жүргізіліп, жамағатты ауызбіршілікке шақырды.
7 қараша 2025 жыл
- 09:30–10:30 – Целиноград ауданында әкімдік және Төтенше жағдайлар қызметкерлерімен кездесу өткізіліп, «Жат ағымнан сақтану жолдары» тақырыбында түсіндіру жұмыстары жүргізілді.
- 12:45–13:15 – Қараөткел мешітінде жұма намазы кезінде «Исламда жастар тәрбиесі» тақырыбында уағыз айтылып, жастардың рухани дамуына мән берілді.
Іссапар барысында Ералы Сапарбайұлы ел бірлігі мен діни тұрақтылықты сақтау, жастардың рухани тәрбиесін күшейту және радикалды идеологиялардың алдын алу бағытында маңызды түсіндіру жұмыстарын жүргізді. Жергілікті жамағат пен мекеме өкілдері кездесулерге белсенді қатысып, имамның айтқан ой-пікірлерін ерекше ықыласпен тыңдады. Іссапар нәтижесінде өңірде имандылық пен бірлік құндылықтарын дәріптеу ісі жаңа серпін алды.
