Айт күні 100 отбасыға қайырымдылық көмек көрсетілді

Көкшетау қаласындағы Науан Хазірет мешіті Рамазан айында бастау алған қайырымдылық шараларын Ораза айт күні де жалғастырды. Игі бастаманың аясында 100 отбасыға азық-түлік себеттері таратылды.

Бұл қайырымдылық көмек мереке күні мұқтаж жандардың жүрегіне жылулық сыйлап, олардың қуанышына себеп болды. Айттың шаттығын сезінген тұрғындар ұйымдастырушыларға шынайы ризашылықтарын білдіріп, ақ тілектерін жеткізді.

Аталған шара – қоғамдағы мейірімділік пен жанашырлықтың көрінісі болып, ізгі амалдардың үзілмей жалғасып жатқанын аңғартты.

Вам может также понравиться...